چناب نگر(غدیر احمد بھٹی کی رپورٹ)تفصیلات کے مطابق آغا خان یونیورسٹی بورڈ پاکستان بھر میں میٹرک اور ایف ایس سی میں چناب نگر کی طالبات نے پہلی ٹاپ پوزیشنز حاصل کرلیں۔مریم صدیقہ گرلز ہائیر سیکنڈری سکول کی طالبہ مایہ احمد نے 1100 نمبرز میں سے 1033 نمبرز حاصل کرکے پاکستان بھر سے میٹرک میں پہلی پوزیشن حاصل کی۔جبکہ نصرت جہاں گرلز کالج کی طالبہ مریم احسان نے انٹر میڈیٹ میں 1100 نمبرز میں سے 1018 نمبرز حاصل کرکے پاکستان بھر میں پہلی پوزیشن حاصل کی۔اس کے علاوہ گروپ وائز مضامین میں نصرت جہاں گرلز کالج کی دیگر طالبات نے پہلی، دوسری اور تیسری پوزیشنز بھی اپنے نام کرلیں۔یہ پوزیشنز حاصل کرنے والی طالبات میں مریم احسان اول، عروصہ سلطان دوم ،ماریہ مبشر اور عدیبہ مشہود تیسرے نمبر پر ہیں ۔