اور اس نے میرے اللہ کو مار دیا

جس کو بھی چاہے بنا دیتا ہے مُلّا کافر
سچ ہے کافر کو نظر آتی ہے دنیا کافر

میرا ا للہ تمہارے اللہ سے بہتر ہے، کیونکہ میں مسلمان ہوں اور میرا اللہ صحیح ہے جوکہ تم   غیر مسلم ہو اس لیے تمہارا  اللہ غلط ہے، اس کے ایک جملے نے  مجھے دنیا میں تنہا اور اپنوں سے پرایا کردیا۔ اس نے تو میرے اللہ کو ہی ماردیا۔  تم چونکہ ہندو ہو اس لیے واجب القتل ہو، تم چونکہ عیسائی او ریہودی ہو اس لیے تم واجب القتل ہو، تم چونکہ شیعہ اور وہابی ہو اس لیے تمہارا قتل جائز ہے اور چونکہ تم احمدی ہو اس لیے تمہارا خون ہم پر واجب ہے کیونکہ میرا اللہ تمہارے اللہ سے بہتر ہے۔ آج واقعی اس نے یہ کہ کر میرے اللہ کو ماردیا۔ 

چونکہ تم  میرے نبی کو نہیں مانتے تم کافر ہو، چونکہ تم میرے دین کو نہیں مانتے تم کافر ہو، چونکہ تم میرے قرآن کو نہیں مانتے تم کافر، چونکہ تمہارا نبی کوئی اور ہے تم کافر ہو، چونکہ تمہارا اللہ کوئی اور ہے اس لیے میرا اللہ تم سے بہتر ہے، اور اس نے میرے اللہ کو ماردیا۔

تم نے ہمیں ٹوکا تم کافر ہو، تم نے ہمیں روکا تم کافر ہو، تم نے ہمیں جھنجھوڑا تم کافر ہو، تم نے ہم پر طنز کیا تم کافر ہے، تم نے ہمارے خلاف بات کی تم کافر ہے، تم نے ہمارے مذہبی اصولوں کو توڑا تم کافر ہو، تم نے  ہمارے مذہبی لیڈروں کو  للکارا تم کافر ہو، تم نے ہماری روایات کو توڑا تم کافر ہو، تم ہمارے مسلک کے منکر ہوئے تو کافر ہو، تم ہمارے ملاؤں سے متنفر  ہوئے تم کافر ہو، تمہارا اللہ کافر ہے اس لیے کہ وہ میرے اللہ کو نہیں مانتا اور یوں اس نے میرے اللہ کو ماردیا۔

تمہیں جینے کا حق نہیں کیونکہ تم مسلمان نہیں ہو، تمہیں جینے کا حق نہیں کیونکہ تمہارا عقیدہ مجھ سے الگ ہے، تمہیں جینے کا حق نہیں کیونکہ تمہاری کتاب کا نام قرآن نہیں ہے، تمہیں جینے کا حق نہیں کیونکہ تمہارے نبی کا نام میرے نبی جیسا نہیں، تمہیں جینے کا حق نہیں کیونکہ  تمہارا کلمہ میرا کلمہ نہیں، تمہیں جینے کا حق نہیں کیونکہ تمہار ا اللہ میرے اللہ جیسا نہیں اور یہ کہ کر اس نے میرے اللہ کو مار دیا۔

تم میرے جیسے نہیں، تمہارے خیالات  میرے جیسے نہیں، تمہارے افکار میر ےجیسے نہیں، تمہارے نظریات میرے جیسے نہیں ، تمہاری سوچ میرے جیسی نہیں، تمہاری ذہنیت میرے جیسی نہیں، تمہارا مذہب میرے جیسا نہیں، تمہاری مسجد میری مسجد جیسی نہیں، تمہاری آیتیں میری آیتوں جیسی نہیں، تمہارا امام میرے امام جیسا نہیں، تمہارا اللہ میرے اللہ جیسا نہیں ہے اور یوں ایک جھٹکے میں اس نے اپنے اللہ کو الگ کرکے میرے اللہ کو مار دیا۔

تم سچ بولتے ہو تم میرے جیسے نہیں، تم حق بولتے ہو تم میرے جیسےنہیں، تم دوسروں کے لیے روتے ہو تم میرے جیسے نہیں، تم  ظالموں کو روکتے ہو تم میرے جیسے نہیں،  تم  اپنی آواز دوسرں کے حقوق کے لیے بلند کرتے ہو تم میرے جیسے نہیں، تم   انسانیت کی بات کرتے ہو تم میرے جیسے نہیں، تم مظلوموں کی بات کرتے ہو تم میرے جیسے نہیں، تم یتیموں، عورتوں اور بیواہوں کی بات کرتے ہو تم میرےجیسے نہیں،  تم طاقتوروں کو للکارتے ہو تم میرے جیسے نہیں، تم مذہبی لیڈروں کو  مانتے نہیں تم میرے جیسے نہیں، تم اس اللہ کو مانتے ہو جو میرے اللہ جیسا نہیں، اس لیے تمہارا اللہ میرے اللہ جیسا نہیں اور یوں اس نے میرے اللہ کو ماردیا۔

تم مغربی ملکوں سے پڑھ کر آئے ہو تم مسلمان نہیں، تم انسانی حقوق کی بات کرتے ہو تم مسلمان نہیں، تم غیر مسلموں کی مثالیں دیتے ہو تم مسلمان نہیں، تم مغربی عورتوں کے ساتھ اٹھتے بیٹھتے ہو تم مسلمان نہیں، تم  مغربی طرز کا لباس پہنتے ہو تم مسلمان نہیں، تم مغربی طرز کے کھانے کھاتے ہو تم مسلمان نہیں، تم مغربی طرز کی باتیں کرتے ہو تم مسلمان نہیں، تم مغربی اصولوں کی بات کرتے ہو تم مسلمان نہیں، تم مغربی  افکار میں ڈھلے ہوئے ہو تم مسلمان نہیں، تمہارا اللہ مغربی ہے اس لیے میرا اللہ تمہارے اللہ سے بہتر ہو اور یوں اس نے میرے اللہ کو مار دیا۔

وہ تمہار ےجیسا نہیں تھا اور تم نے اس کو مار دیا، وہ تمہارے جیسی باتیں نہیں کرتا تھا اس لیے تم نے اس کو مار دیا، وہ تمہارے سسٹم کو نہیں بھایا اور تم نے اس کو ماردیا، وہ تمہاری سوسائٹی کا نہیں تھا اس لیے تم نے اس کو ماردیا ، وہ تمہارے مذہب کا نہیں تھا اس لیے تم نے اس کو ماردیا،  اس کی مسجد تمہاری مسجد جیسی نہیں تھی اس لیے تم نے اس کو ماردیا، اس کی کتاب تمہای کتاب جیسے نہیں تھی اس لیے تم نے اس کو ماردیا، اس کے افکار تمہارے افکار جیسے نہیں اس لیے تم نے اس کو ماردیا، اس کے اصول تمہارے اصولوں جیسے نہیں اس لیے تم نے اس کو ماردیا، اس کا نبی تمہارے نبی جیسا نہیں تھا اس لیے تم نے اس کو مارد یا،  اس کی باتیں تمہاری باتوں جیسی نہیں تھی اس لیے تم نے اس کو ماردیا، اس  کا کوئی مولوی نہیں  اس لیے تم نے اس کو ماردیا،  اس کا اللہ تمہارے اللہ جیسا نہیں تھا اس لیے تم نے اس کو ماردیا، تم نے اس کو نہیں بلکہ اس کے اللہ کو ماردیا ۔

کلمہ پڑھنے سے مسلماں نہیں ہوتا کوئی
کرتے ہیں کتنے ہی اسلام کا دعویٰ کافر

Noor Dahri
Noor Dahri is the Director of Pakistan-Israel Alliance & regularly contributes to Times of Israel
@dahrinoor2     Facebook